جو مانگا ہے، جو مانگیں گے، خدا سے ہم وہی لیں گے

مچل جائیں گے، روئیں گے، کہیں گے ہم یہی لیں گے

نہیں گو ہم کسی قابل، مگر تیری عنایت ہے

جو تیری شان کے لائق ہے ہم تجھ سے وہی لیں گے

کیا تو نے طلب ہم کو اٹھیں گے ہم نہ اس در سے

نہ جائیں گے، نہ جائیں گے، ابھی لیں گے، وہی لیں گے

ارے بہتر نہ گھبرا، جو مانگے گی وہ پاۓ گی

کہے گی جب تو رو کر ہم اسی دم یہی لیں گے

 محترمہ سیدہ خیرالنساء بہتر صاحبہ

 والدہ حضرت مولانا سید ابوالحسن علی ندوی

 رحمۃ اللہ علیھما